Hoşallyk maslahaty geçirildi
Türkmen halkynyň milli Lideri, Halk Maslahatynyň Başlygy Gahryman Arkadagymyz Gurbanguly Berdimuhamedowyň Türkmenistanyň Içeri işler ministrliginiň awtoulag merkezine täze gelip gowşan sport ulagynyň aýratynlyklary bilen tanyşmagy mynasybetli Türkmen döwlet bedenterbiýe we sport institutynda hoşallyk maslahaty geçirildi.
Hoşallyk maslahatynyň dowamynda ýokary okuw mekdebimiziň mugallymlary we talyp ýaşlary çykyş edip ýurdumyzda sport ulgamyny ösdürmek barada durmuşa geçirilýän işler hakynda, şeýle-de awtosport görnüşine berilýän üns dogrusynda giňişleýin gürrüň berdiler.
Hoşallyk maslahaty Türkmen döwlet bedenterbiýe we sport institutynyň mejlisler zalynda geçirilip, oňa ýokary okuw mekdebimiziň professor mugallymlary we talyp ýaşlary işjeň gatnaşdylar.
Dabara türkmen sportuny ösdürmäge berýän aýratyn ünsi üçin Gahryman Arkadagymyza, Arkadagly Serdarymyza ýürekden çykýan ýakymly arzuwlar bilen tamamlandy.
Taýýarlan: Pedagogika we psihologiýa kafedrasynyň
mugallym-öwrenijisi G.Gurbanmämmedowa
