Talyp türgenler halkara derejesindäki krossfit ýaryşynda üstünlik gazandylar
2025-nji ýylyň 4-nji oktýabrynda Aşgabatdaky Olimpiýa şäherçesiniň Ýeňil atletika toplumynda halkara derejesindäki krossfit ýaryşy – «Fitness Games» geçirildi. Bu sport baýramçylygy Türkmenistan bilen Birleşen Arap Emirlikleriniň arasynda diplomatik gatnaşyklarynyň ýola goýulmagynyň 30 ýyllygyna bagyşlanyp, BAE-niň Türkmenistandaky ilçihanasy tarapyndan, Türkmenistanyň Bedenterbiýe we sport baradaky döwlet komitetiniň goldawy bilen guraldy.
Sport ýaryşlaryna türkmen ýeňil atletikaçylar, gimnastikaçylar, gündogar söweş sungatlarynyň ýaş ussatlary, Aşgabadyň höwesjeň türgenleri hem-de diplomatik korpusyň wekilleri gatnaşdylar. Oýunlaryň maksatnamasyna çagalar bilen gysga aralyga maşgala ylgawy, tans bäsleşigi, «berpi» toplumy (squats, push-up we squat bökmek) girizildi. «Fitness Games» ýaryşlarynyň ýeňijileri BAE-niň ilçihanasynyň adyndan gymmat bahaly sowgatlara we baýraklara mynasyp boldular.
Türkmen döwlet bedenterbiýe we sport institutynyň «Student Sports» (gyzlar) topary ýeňil atletika we çydamlylyk maşklary boýunça 2-nji orna, «Olimp» (oglanlar) we «Talyp sport» döwlet kärhanasynyň «Spark» (gyzlar) topary bolsa bäsleşikde ilkinji bäşlige girmegi başardylar.
Arslan MYRADOW,
Türkmen döwlet bedenterbiýe we sport institutynyň
Ylym bölüminiň hünärmeni.
