Sportuň erkin we grek-rim göreş görnüşleri boýunça Türkmenistanyň çempionaty
Berkarar döwletiň täze eýýamynyň Galkynyşy döwründe «Garaşsyz, baky Bitarap Türkmenistan – bedew batly at-myradyň mekany» ýylynda Türkmen döwlet bedenterbiýe we sport institutynda sportuň erkin hem-de grek-rim göreş görnüşleri boýunça Türkmenistanyň çempionaty ýokary derejede dowam edýär. Ýaryş Türkmenistanyň Bedenterbiýe we sport baradaky döwlet komitetiniň hem-de Türkmenistanyň Sport göreş federasiýasynyň bilelikde guramagynda geçirilýär.
Çempionat milli sportuň ösüş depginini aýdyň görkezmek bilen, ussat türgenleri ýüze çykarmakda möhüm meýdança bolup hyzmat edýär. Bäsleşikleriň dowamynda gatnaşyjylar taktiki taýýarlygyny, tehniki ussatlygyny we ýokary fiziki mümkinçiliklerini görkezýärler.
Bu derejedäki ýaryşlar diňe bir ýeňijileri kesgitlemek bilen çäklenmän, eýsem halkara ýaryşlara taýýarlyk görýän türgenler üçin hem möhüm tapgyr hökmünde çykyş edýär. Şeýle bäsleşikler tejribe toplamak, sport ussatlygyny kämilleşdirmek we geljekki üstünlikleriň binýadyny berkitmek nukdaýnazaryndan aýratyn ähmiýete eýedir.
Arslan MYRADOW,
Türkmen döwlet bedenterbiýe we sport institutynyň
Ylym bölüminiň hünärmeni.
