Talyp türgenimiz Pardaýewa Gran-pri ýaryşynda altyn medal gazandy
Türkmen dzýudoçysy Maýsa Pardaýewa Hytaý Halk Respublikasynyň Sindao şäherinde geçirilen dzýudo boýunça Gran-pri ýaryşynyň ýeňijisi boldy.
57 kilograma çenli agram derejesinde geçirilen final duşuşygynda Pardaýewa Fransiýanyň wekili Marta Fawazy ýeňip, altyn medala mynasyp boldy.
Sindaoda geçirilýän ýaryş 28-nji iýunda tamamlanýar. Bu ýaryş 2028-nji ýylda ABŞ-nyň Los-Anjeles şäherinde geçiriljek Olimpiýa oýunlaryna saýlama tapgyrynyň ikinji ýaryşydyr.
21 ýaşly Maýsa Pardaýewa mundan ozal Mongoliýanyň Ulan-Bator şäherinde geçirilen «Uly tuwulga» tapgyrynda bürünç medal gazanypdy. Ol 2024-nji ýylda Parižde geçirilen Olimpiýa oýunlarynda Türkmenistanyň milli ýygyndysynyň düzüminde çykyş edipdi.
www.turkmenportal.com
